قصيدة ” أظل مشتاكـَ ” / حيدر حسين سويري
أظل مشتاكَـ للتارك أثر بيه
ذاك الي حلف ما جيب طاريه
كَلت انساه كما كل البشر تنسى
صرت اكتب شعر وابيات محكيه
ملامح وجهه بأبياتي اتلالا نجوم
تظهر لو ردتها تكون مخفيه
فضحتني وبعد ما ينفع الي يلوم
وما ينفع حجي لو كَلت شعليه
يكَول انت بكلامك تكشف المضموم
لا تكتب شعر لتكَول معليه
احلف لك واحلفك قسم بالعباس
وخليها اباذانك كون ترجيه
لا تكتب شعورك لان بيه إحساس
واحساسك جميل وكله حنيه
بس تعرف أهلنا وفرق بالمقياس
مكَيوله الولد مو مثل البنيه
كَلتلها خلص راح ابتعد وانساج
ما اكتب غزل اكتب سياسيه
وأول ما لزمت القلم والقرطاس
اختفت كل الصور لن بقت بس هيه
