شعر قصير 17 و18 / للأب القمص أفرايم الأنبا بيشوى
(1)
رجائنا فى المسيح
نضع امام عيوننا المسيح كلي الكمال
علي غير الله لا نعلق ابدا رجاء او أمال
دا الناس بتتغير وكلنا لا محال الي ذوال
واحنا لا يفيدنا منصب ولا جمال أو مال
مش هناخد معانا شئ غير صالح الاعمال
الامين ياخد اجرته أضعاف ويصل للكمال
ولقمة يابسه ومعاها سلام تريح لنا البال
أفرايم الأنبا بيشوى
……
(2)
نقرع علي بابه" "
احنا غلابه وبنقرع دايما علي بابه
عاوزين نخدمه ومعاه العالم نجابه
نكون علي صورته وسيرته نشابه
هو يقودنا ونتبعه ونتعلم من كتابه
ومع ربنا لانخاف مخلوق ولانهابه
دا هو راعينا وأبونا ودعانا أحبابه
واللي بده ربنا نحبه ونكون طلابه
…..
(3)
" القلب الكامل"
من فضلة القلب تكتب الأيد والقلم
وأما المشاعر تتحرك يقول العقل عُلم
وكتر البكاء يعلم النوح من غير ندم
دا مفيش أكمل من قلب مجروح بالألم
الحياة مدرسة منها نتعلم خبرة وحكم
اللي يعيش يشوف واللي يبات مظلوم
أفضل من اللي يتعب الناس ولهم ظلم
….
(4)
"كن مطمئن"
مهما اراد الناس بك من شر
أو حتي فعلوا لك ما هو خير
كن دائما مطمئن وخليك واثق
أنك في يد اله حكيم في التدبير
ما بينسي أبداً يوم كأس ماء
أو لقمه تقدمها لمحتاج وفقير
يردها لك أضعاف علي الأرض
وفي السماء أبدية وخير جزيل
……
(5)
" حياة السلام الداخلي"
هو شاب لكن عمره عدى حتى ولا الف عام
عايش وحيد ولكن فكره مليان بناس وزحام
صامت ولكن قلبه كله أشجان وأحزان والآم
بقوله أهداء قال بعد الوحدة والصمت فيه كلام!
قلتله هدئ حواسك وفكرك وما تعيش فى أوهام
وخلى قلبك ينبض ويصلي بمحبة لله وبدون كلام
جرب كدا أيام رجع فرحان وقالي بقيت كلي سلام
شعر قصير- 18
كلك حب
(1)
" كلك حبك "
عاوز أكتبلك يا الهي وأقول كلمتين من القلب
أنت أبويا ومعينى ويجب لك الإخلاص يا رب
مفيش زيك يسعدنا ويصبر علينا ويزيل الكرب
بتسمع وتفهم وترعي وتسند فى الزمن الصعب
لما نجوع بتشبعنا بحنانك وتروينا وكلك عذب
ولما نزعلك ونبعد تنتظرنا كأم حنون في الدرب
لا تعاتب ولا تغضب وتقولنا ما أحلي منى القرب
أحساناتك وجمايلك علي راسي يارب كلك حب
….
(2)
" يديك الأمان"
ارمي همومك دايما عند أقدام المصلوب
وتستريح وهو يطبب ويشفى المجروح
لما قلبك يتعب ويعاني وتعصرك الآلام
تعالي للي أتعذب وقام وهو يديك القيام
لا تشكي همك وأحزانك لإنسان مهما كان
أشكيها لله اللي قدرته فى الضعف تبان
كل العالم فاني وهيعبر منا سريعا الزمان
هنفرح معاه فى السماء وننسي الأحزان
…….
(3)
" يديك سلام كامل"
ليه أنت تخاف ومن بكره تكون قلقان؟
ربك أمين وبيعول حتى صغار الغربان
لو ظروفك صعبة ومش لاقي فيها الأمان
تعالي للرب الهك وهو اللي يزيل الأحزان
يدي للخاطي التوبة ويقدس كل الإنسان
معاه الضعيف يقوى ويرد الضال والحيران
المجروح يشفيه الله ويشبع من بعد الحرمان
يديك سلام كامل ويرعاك مهما طال الزمان
…….
(4)
" ربنا معاك"
أمامك طريق ضيق طويل صعب فين ما تروح
تلاقي أشواك وتجارب وحروب تتعب الروح
بس أوعي تضعف ربنا معاك يشفي الجروح
ويحملك كل الأيام وريحته الحلوه منك تفوح
جاهد فى الصلاة وأشكر وأصبر وكله يروح
ربنا لم يعدنا بطريق رحب وباب متسع مفتوح
بس هو يقودنا فى الضيق وفرحه يرد الروح
…..
(5)
" الصمت حكمة"
أصْمت فان الصمت لك حكمة وكمال
الصمت أبلغ من كلام كثير من الجهال
هو أجمل فضيلة في زمن ردئ للعقال
أغلب بصمتك أفتراء وكذب نسمعه يقال
كذبوا وبانوا وكلامهم عن الحقيقة مال
وأرفع صلاتك في هدوء لله طويل البال
يصغي لصمتك مستجيب ويحقق الأمال
