شعر قصير – 35 الوفاء/ للأب القمص أفرايم الأنبا بيشوى
(1)
الوفاء لله والناس
خليك أصيل لا تخذل ولا تحزن أبدا قلباً أحبك
ولا تنسي الجميل واللي وقف فى محنتك جنبك
وان كان عليك الوفاء للناس فبالأكثر الوفاء لربك
اللي خلقك وفداك وحتى فى بعدك منتظرك وبيحبك
لا تحزنه بخطاياك ولا تجرحه باثامك وبعدك وذنبك
تعالي اليه وقول: اسندنى فاخلص وأكون وفى لحبك
أجذبني وراك فنجرى وأكون فى خدمتك ودائما بقربك
….
(2)
“العلم والعمل”
خليك محب للعلم وأقراء كل يوم شئ جديد
تتعلم وتنمو فى الحكمة ومنك الناس تستفيد
توسع آفاقك ويدوم شبابك ومعرفتك دائما تذيد
زي ما بتأكل وجباتك، أقراء تسلك بنضج وتجديد
دا شعب غير قارئ، يحي التخلف وفى الحضيض
العلم أساس التقدم والجاهل بيته علي رمل يشيد
من عمل وعلم يدعى عظيم وينال مديح وتمجيد
…..
(3)
” أنهار المحبة ”
ياللي بتشرب من آبار العالم ومنها مش رويان
وبتبحث عن الشبع في عالم يعاني من الحرمان
عالم يعاني الصراع والجفاء هل يسعد الانسان
فاقد الشئ لا يعطيه أفهمها بقي والا تعيش تعبان
أطلب من الله الشبع انهار محبته دايمه الجريان
تلاقي مع الله محبة وسلام وفرح حتي لو بتعان
تعزية روح ربنا تزيل عننا الهم والغم والاحزان
……
(4)
” مالناش غيرك”
لمين غيرك يارب يا رحيم نروح؟
ولمين غيرك يا الهنا في ضيقنا نبوح؟
وانت يارب شفاء النفس والجسد والروح
وانت اللي تقدر تعزي اللي من الحزن ينوح
وتخلي ريحتك الحلوه منا تنتشر وعبيرها يفوح
يارب أنت اللي تنصف المظلوم وتريح المهموم
أشفي المريض والمجروح ورحمتك لينا يارب ذيد
أملا قلوبنا سلاما وفرحا ونعيما وغيرنا نفيد
خلينا دايما نقدم لك الحمد والشكر والتمجيد
……
(5)
” خليك شمعة ”
خليك يا صاحبي شمعة قايده دايما تنير
تدي وتبذل ذاتها عشان تضئ السبيل للغير
تهدي للحب والسلام وتتفاني في عمل الخير
في هدوء الملائكة وبصمت تشتعل وتنير
بدل ما تلعن الظلام أشرق في النهار والليل
الناس في طريق القداسة محتاجه مثل ودليل
يعمل ويكون قدوة وحب عملي بدون تمثيل
